Skemmtunin fyrir yngstu gesti hátíðarinnar er í góðum höndum þegar Íþróttaálfurinn og Solla Stirða mæta á svæðið! Þessi líflegu og ástsælu karakterar úr Latabæ hafa glatt íslensk börn um árabil með leik, söng og dans – og nú ætla þau að koma með orku og gleði á Sjómannadaginn.

Íþróttaálfurinn hvetur börn til hreyfingar, heilbrigðra lífshátta og jákvæðni, á meðan Solla Stirða býr yfir mikilli forvitni, hugrekki og góðum húmor. Saman tryggja þau skemmtilega stund fulla af fjöri og þátttöku fyrir alla fjölskylduna.