Fjaran er sýning Náttúruminjasafns Íslands og Umhverfis- og orkustofnunar í samstarfi við listakonuna Katrínu Þorvaldsdóttur. Í Verbúð 57 verður sýning og fræðsla um fjöruna, lífríki hennar og umgengni okkar um hafið. Tvær skapandi smiðjur verða haldnar yfir daginn Kl. 12 - Litahjól með litum hafsins Blöndum litum með ljósi! Kl. 14 - Maríglar og skollakoppar Lærum að búa til ígulker úr ull! Sýningin er liður í viðburðadagskrá Icewater, sem er samstarfsverkefni vísindafólks, sveitarfélaga, fyrirtækja og stjórnvalda. Verkefnið er samfjármagnað af Evrópusambandinu. Markmiðið er að bæta vatnsgæði í ám, vötnum, sjó og grunnvatni um allt land. Verkefnið hjálpar okkur að hugsa betur um þá mikilvægu auðlind sem vatnið okkar er.