Röst sjávarrannsóknasetur er óhagnaðardrifið og sjálfstætt íslenskt rannsóknasetur. Við eflum rannsóknir og vísindalega þekkingu á hafinu með því að stunda og stuðla að vönduðum og óháðum hafrannsóknum í innlendu og erlendu samstarfi. Við erum búin að byggja upp allskyns sérhannaða innviði og tæki fyrir hafrannsóknir á Íslandi og vorum t.d. að fá til landsins hátæknihafrannsóknafar af fullkomnustu gerð, hana Súlu, sem má segja að marki upphaf nýs tímabils í hafrannsóknum við Ísland. Ástand hafsins er að breytast og við viljum kortleggja og skilja betur hvað er að gerast, en mikil umræða hefur t.d. verið í kringum Veltihringrás Atlantshafsins (AMOC) og hvaða áhrif mögulegar breytingar á því kerfi hefðu á Íslandi.